Այսօր ուզում եմ խոսել առաջին հայացքից ծիծաղելի թվացող, բայց շատ հետաքրքիր մի տոնի մասին: Նախ ասեմ` կա գրկախառնության երկու օր` դեկտեմբերի 4` գրկախառնության միջազգային օր և հունվարի 21` գրկախառնության ազգային օր: Այս տարօրինակ տոնը սկսել են նշել 20-րդ դարի 70-ական թվականներից: Մարդիկ մեկնաբանում են, որ գրկախառնվելիս միմյանց հոգևոր ջերմություն են փոխանցում: Կա նաև գիտական մեկնաբանություն, ըստ որի` գրկախառնվելիս բարձրանում է մարդու դիմադրողականությունը, հեմոգլոբինի մակարդակը նաև կարգավորում է նյարդային համակարգը:
Բայց սա դժվար թե հիմա հետաքրքրի: Ասեմ անհատական կարծիքս. այս տոնը ինձ հենց առաջին հայացքից էլ դուր եկավ. այն շատ յուրօրինակ ու բարի տոն է: Ախր այնքան մարդիկ կան, որ ունեն գրկախառնության, ուշադրության, ջերմության կարիք: Պատկերացրեք, որ այդ օրերին դուք կարող եք գրկախառնվել նույնիսկ անծանոթների հետ: Ցավոք ես Հայաստանում չեմ պատկերացնում այս տոնը, որովհետև այստեղ եթե մեկին մոտենաս ու փաթաթվես, նա երևի կմտածի, որ դու մինիմում խենթ ես ու այդ մտքից հետո հաստատ չի գրկախառնվի: Բայց սա արդեն լրիվ ուրիշ խնդիր է, որին հետագայում կանդրադառնամ: Ինչևէ` կարծում եմ հիանալի տոն է, հնարավորություն` մարդկային ջերմությունը զգալու, քանի որ վերջին ժամանակներս մեր կյանքում այնքան է պակասում այդ փոքրիկ ջերմությունը....
Շուշան:
RSS Feed